Tele-Post: Internetikkut attaveqaatit tv-ikkullu nassitsissutit akornuteqarput
Nutarterneqarpoq 30/08-202 nal. 15.55
Tele-Postimit aviisimut Sermitsiamut nalunaarutigineqarpoq, Tele-mi attaveqaatit ajornaartorsiuteqarnerat pissuteqartoq, Tele-Postip USA-mut Europamullu attaveqaatai eqqorneqarsimammata.
Telepostimi interntetimi attaveqaatit Kalaallit Nunaanni tamarmi ariipput. TV-ikkullu nassitsitssutit sumiiffiit ilaanni attaveerussimasinnaallutik.
Tele-Post-imi immikkoortortaqarfimmi pisortaq Kim Zinck taama oqarpoq.
- Internetimut attaaveqaatit maannakkut arriipput, ajornartorsiullu paasiniarlugu teknikerigut ulapipput, Kim Zinck oqarpoq, nangillunilu, - takusinnaasagut malillugit nunarput tamarmi eqqorneqarpoq, tamannalu atuisartutsinnut ajuusaarutigaarput, Kim Zinck oqarpoq.
Telepostimiit maannakkut oqaatigineqarsinnaanngilaq attaveqaatit qaqugu aaqqinneqarumaarnersut.
Sumiiffinni assigiinngitsuni TV isiginnaarneqarsinnaassanngilaq imaluunniit attaviluttorusussusinnaalluni.
- Nassitsissutigut attaveerussimasinnaapput, ajornartarsiullu paasiniarlugu teknikerigut ulapipput. Ajutoorneq illoqarfimmi ataatsimi pisimasinnaavoq, Kim Zinck taama nassuiaavoq. Attaveeerunnerit imaluunniit attaveqaatit ajoquteqarnerat qaqugu aaqqinneqarsinnaanersut, Telepostimit maannakkut oqaatigineqarsinnaanngilaq.
TV-ikkut nassitsissutit ajoquteqarnerat aamma internetimut attaveqaatit ajoquteqarnerat imminnut attuumassuteqarsinnaasariaqanngitsut Kim Zinckip ilimagiinngilaa.