Tele-Post eqqunngitsuliorfigineqartoq
Imaatigut kabelimut tunngasumik eqqunngitsumik Facebookkikkut sapaatip akunnerata kingulliup naanerani saqqummertoqarpoq.
Allattoq Andreas Wille
Nutaarsiassaq saqqummertoq TELE-POST-iminngaanneersutut isikkoqarpoq, allanneqarsimallunilu uumasunit mikkanneqarnermi kingorna aasamut sikuerpat kabelimik nutaamik siaarsisoqartariaqartoq.
Saqqummiussaq Facebookimi hunnorujulikkuutaanik marlunnik ikinnerunngitsunit siammarterneqarpoq, taannali paasissutissaq eqqunngitsuusoq TELE-POST Facebookimi quppernerminni allappoq.
TELE-POST-ip KNR-imut oqaatigaa eqqunngitsumik siammarterisimasoq nammineerluni TELE-POST-imut saaffiginnissimasoq taamaammallu TELE-POST aalajangersimalluni annerusumik iliuuseqassanani pisorlu oqaaseqarfigerusunnagu.