TELE POST- App-i nutaaq saqqummerpoq

Poortukkat allakkallu TELE POST-ikkut nassiussatit sumut killissimanersut mobilikkut malinnaaffigisinnaalerpatit. Periarfissaq 'track & trace' TELE POST-ip nittartagaani qangalili periarfissaavoq, massakkulli app nutaaq atorlugu mobilikkut aamma periarfissaalerluni.

Allattoq Peter Troelsen, Pipaluk Høegh

oktobarip 10-at 2012 08:34

Mobilikkut atortorissaarut app-imik taaneqartartoq TELE-POST-ip sanatissimasaa 'track & trace' massakkut atorsinnaanngorpat. Poortukkat imaluunniit allakkat nassiussimasat imaluunniit tigunissaanut utaqqisat sumut killissimanersut mobilikkut app-i atorlugu paasiniarsinnaanngorpat.

Kalaallit Nunaanniit Danmarkimiillu allakkat poortukkallu nassiunnerini app-i atorneqarsinnaavoq. Nassiunneqartoq sumut killissimanersoq paaserusukkaanni e-mailikkut imaluunniit sms-ikkut atuisoq nalunaarfigineqarsinnaavoq.

Poortukkat allakkallu utaqqisatit sumut killissimanersut paaserusukkukku taava nalunaarfigineqartarnissamut akuersisoqarsinnaavoq e-mailip, mobilnormup aammalu poortukkap stregkodiata allanneratigut.Periarfissaq nutaaq illoqarfinni kisimi atorneqarsinnaasoq TELE POST-imiit erseqqissaatigineqarpoq.

App nutaaq App-store imaluunniit Google Play aqqutigalugu aaneqarsinnaavoq.

TELE POST- App-i nutaaq saqqummerpoq

Aamma atuaruk