Coronamik ajornartorsiuteqarnermi allakkat poortukkallu timmisartukkut nunatsinnut nassiunneqartassasut

Ilanngutassiaq paasissutissat nutaat tunngavigalugit allanngortinneqarpoq, ataasinngorneq marsip 23-at nalunaaqutaq 15:20.

Allakkat poortukkallu nunanit tamalaaneersut nunatsinnut nassiunneqartut timmisartumut assartuissummut sapaatip-akunneranut marloriarluni tikittartumut ilaatinneqartassapput.

Namminersorlutik Oqartussat timmisartut assartuisut sapaatip-akunneranut marloriaq marsip 24-ata apriilip aappaatalu akornanni angalatinneqartassasut Tele-Postimut neriorsuutigaat.

- Nalinginnaasumiilli timmisartuussinerit ikinnerupput, taamaammat kinguaattoortoqarsinnaavoq, Tele-Postimi atuisartunut allakkanullu pisortaq, Per Svendsen oqarpoq.

- Allakkalli apuussinnaatillugit timmisartuussisoqartarnissaanut qulakkeerisoqarnera nuannaarutigalugu qujamasuutigaarput.

Coronap ajornartorsiutigineqarnera pissutigalugu Tele-Postip immikkoortortaqarfiini sulisut ikinnerupput. Sulisut inuit ataatsimoortut amerlavallaannginnissaat pissutigalugu tulleriiaallutik sulisarput, tamannalu Tele-Postip sullissiviisa ammasarfiinut sunniuteqarpoq.

Ammasarfiit allanngorneri uani takuneqarsinnaapput.