Tele Greenland atortuminik ajornartorsiuteqarpoq, taamaammat Radiokkut TV-kkullu aallakaatitsinerit Nuummi akornuteqartarsinnaapput, oqarasuaatit angalattakkat aamma akornuteqartarsinnnaassallutik.
Innaallagisserisup innaallagissamut atortunik suliaqartilluni ikuallattoqartillugu kalerrisaarut aallartittoorsimavaa, taamaalillunilu ajornartorsiut aallartippoq.
TV-kkut isiginnaartartut, Radiokkut tusarnaartartut angallattakkanillu oqarasuaatillit eqqorneqarput.
- Pisoq soorunami ajuusaarutigaarput, tamattali kukkusarpugut, inuinnaallu kukkunera uani pissutaavoq, soorunalumi suna tamaat atorlugu iluarsiiniarsarivugut, Telemi tusagassiisartoq, Malînánguak Markussen-Mølgaard, oqarpoq.
Nuuk TV-mut siarnguttunnguaqarsimavoq, Nuuk TV-mik isiginnaartartut kanal 32 aamma kanal 35 isiginnaarsinnaanagit paasiniaallutik siarngussimapput.
-Oqarasuaaterput ualeq aamaangajapporluunniit, Nuuk TV-mi tusagassiortoq, Heidi Møller Davidsen, oqaluttuarpoq. Telep naatsorsuutigaa ajornartorsiut aqagu iluarsineqariissasoq.