Tele-mi suliumajunnaalerput
Attaveqarnermut atortorissaaruserinermillu suliallit 60-it Attaveqaammut ilaasortat Namminersorlutillu Oqartussat isumaqatigiinniarnerat naammaginartumik angusaqarfiunngimmat suliumajunnaarnissaq nalunaarutigineqarpoq.
Telefon-/liniemontøritut, teleteknikeritut, elektronmekanikeritut elektronteknikeritulluunniit atorfillit ilinniarsimasulluunniit Attaveqaammi ilaasortaapput, taakkunanngalu amerlanerussuteqartut isumaqatigiinniutigineqartut naammaginagit decembarip aallaqqaataani suliumajunnaarnissartik nalunaarutigivaat.
Attaveqaammi ilaasortat immikkoortortaqarfinni 16-ineersut suliumajunnaarnissartik nalunaarutigaat, soorlu aamma Attaveqaammi ilaasortat KNR-imiittut aamma Asiaq - Misissueqqissaarnerineersut suliumajunnaarnissamik eqqorneqarumaartut.
Immikkut isumaqatigiissuteqarluni atorfeqartinneqartut, Attaveqaammilu ilaasortaqanngitsut suliumajunnaartussatut ilanngunneqanngitsut, tusagassiutinut nalunaarutitigut erseqqissaatigineqarpoq.