Tele-mi aserorterineq 50.000 kronenik naleqarpoq

Telep qaammataasatigut tigooraassutaata Nuummiittup iluarsaannera 50.000 koruunit tungaannut akeqassasoq, Telemi tusagassiisartoq Maliinannguaq Marcussen Mølgaard ilisimatitsivoq.

Qaammataasatigut tigooraassut ippassaq aserorterivigineqarsimavoq, tamatuma kingunerisaanik Qaanaamut, Upernavimmut, Tasiilamut Ittoqqortoormiunullu, taakkulu nunaqarfiinut oqarasuaatit angallattakkatigut internetikkullu attaveqaatit akunnerit marluk sinnilaarlugit kipineqarlutik.

Taamaattumik illoqarfinnut nunaqarfinnullu pineqartunut attaveqaatit tamarmik ualeru nalunaaqutaq ataatsimit pingasut tungaannut kipitinneqassasut, Tele nalunaarpoq.

Aamma Upernavik Kujallermi Savissivimmilu oqarasuaatit attaveqaataat kipitinneqarallassaaq, nunaqarfinnut taakkununnga aamma sianertoqarsinnaanngikkallassalluni.

Telep qaammataasatigut tigooraassutaa Nuummiittoq qamikkallassavaa, tamakkiisumik atorsinnaassappat saleqqissaarneqartariaqassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat