Atuinermulli akiliutissaq sukkassuserlu suli oqaatigineqanngillat.

Tele Greenlandip Tunumi internetsip sukkatsinnissaa neriorsuutigigaa

Tasiilami nunaqarfiinilu internetsi ukioq manna sukkatsissasoq pilersaarutaavoq. Ittoqqortoormiinili aatsaat aappaagu sukkatsinnissaa pilersaarutaavoq. Tele Postip akit sukkassutsillu qanoq ikkumaarnersut suli oqaatigisinnaanngilai

Tasiilami nunaqarfiinilu internetsimik atuisartut ukiup matuma naannginnerani atugarissaarnerulissasut, Tele Post tusagassiuutinut nalunaaruteqarpoq.

Atuinermulli akiliutissaq sukkassuserlu suli oqaatigineqanngillat.

AAMMA ATUARUK Tele-Post sinneqartooruteqartoq: Internetimut attaveqaatinut akit apparput

Tasiilami Ittoqqortoormiinilu internetsimut atuisuuffiit Nuummiittumut sanillinnerat

Tasiilami atuisuuffik akikinnerpaa
- 75 koruuni qaammammut
- 1/0,2 Mbps (download aamma upload)
- Datataqanngilaq, datalu gigabytemut 420 koruuneqarluni.

Nuummi atuisuuffik akikinnerpaaq
- 499 koruuni qaammammut
- 5/1 Mbps 
- Atuineq killeqanngitsoq, data qanorsuaq atorneqarsinnaasoq, saniatigullu akileeqqittoqartariaqarani.

Tuniniakkanimmi saqqummiussinissaminnut suli pilersaarusiorlutik, Tele Postimi sumiiffinniit sumiiffinnut attaveqaatinut pisortap, Kim Zinkip oqaatigaa.

- Oqarsinnaanngikkallarpunga qanoq sukkassuseqarsinnaanersoq, kisianni ullumikkuminngaanniit pitsaanerulertussaavoq, Kim Zink KNR-imut oqarpoq.

Ittoqqortoormiit 

Taassuma Ittoqqortoormiit nunaqarfiilu mininneqassangitsut erseqqissarpaa, pilersaaruteqarpummi:

- Suliassaq annertoorujussuugami, ukiup tulliani Ittoqqortoormiini ingerlattussaassavarput, Kim Zink oqarpoq.

Pilersaarutit corona peqqutigalugu kinguaattuulaarsinnaasut taanna aamma oqarpoq.

Tele Postip attavinnik suliaqarnermini suliffeqarfissuaq Luxembourgimeersoq SES suleqatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat