Tele Greenlandip isumaqatigiissut atsiorpaa

Tele Greenlandip 150 miliuunit koruuninik Den Nordiske Investeringsbankimut atorniarnissaminut isumaqatigiissut ippassaq atsiorpaa.
februaarip 27-at 2008 09:47

Aningaasat allunaasaasarsuarmut kabelimut 4.500 kilometerinik takissusilimmut, nunatsinniit immap naqqatigut Canadamik Islandimillu attaviliisussamut atorneqassapput.

Allunaasaasarsuaq kabeli immap naqqatigoortoq katillugit 700 miliuunit koruunit missaannik akeqartussaq, 2009-p aallartinerani atulersussatut pilersaarutigineqarpoq.