Internet-ikkut meeqqanik atoqateqarluni assilisanik isiginnaarsinnaaneq unitsinniarlugu Tele Greenland suliniuteqalerpoq.
Meeqqanik atoqateqartunik assinik takutitsisannginnissamik atortorissaarut Red Barnet-ip naalagaaffiullu politiivisa suleqatigiillutik pilersippaat; takuneqarsinnaalissaartaaq kikkut, qanorlu amerlatigisut assinik meeqqanik atoqateqarluni assilisanik isiginnaarnersut.
-Ullumikkut atortorissaarutinik taamaattunik peqanngilagut, qularutigineqassanngilarli suliniut tapersersussagipput. Naalagaaffiup politiivi attavigissavakka, paasiniarlugu suliffeqarfiit uagutsitut ittut qanoq suleriaaseqarnersut, Tele Greenlandip pisortaa Anders Barslund AG-mi issuarneqarpoq.
Savalimmiuni nalunaarasuartaaserisoqarfiup, Danmarkimilu TDC-p atortorissaarut atulereerpaat.