Teknikkikkut atortorissaarutit pissutigalugit timmisartoq allamukartinneqartoq
Timmisartoq Dash 8-req Air Greenlandimeersoq, Paamiuniit Narsarsuarmukartoq, teknikkikkut ajornartorsiuteqalermat sisamanngornermi Kangerlussualiartinneqarsimavoq.
Timmisartoq Nuummukartinnagu Kangerlussuarmukartinneqarsimavoq Nuummi silarlummat, aamma Air Greenland Narsarsuarmi timmisartumut iluarsaasartuuteqanngimmat.
- Kangerlussuarmili peqarpugut. Timmisartullu timmerani teknikkikkut atortorissaarutit ilaannik qamittoqarnera pisumut aallaaviuvoq, taamaalillunilu malitassat malillugit iliuuseqartoqarpoq, isumannaallisaanissamullu najoqqutassat malillugit timmisartortartut Mittarfeqarfiit, qatserisartut aamma politiit pisumik ilisimatippaat. Kisiannili nalinginnaasumik Kangerlussuarmut mittoqarpoq, Katja Vahl, Air Greenlandimi tusagassiisartut pisortaat, taama oqarpoq.
Taassuma oqarnera malillugu Air Greenlandimit teknikkikkut ajutoorutaasoq aaqqinniarneqaleruttorpoq.
- Ilaasut tamarmik timmisartuussinissanut allanut nuunneqarnikuupput, taakkualu Narsarsuarmut ullumi apuunnissaat naatsorsuutigineqarpoq, oqarpoq.