Teknikkikkut ajutoorneq: Norsaq Kangerlussuarmut utertoq
Timmisartorsuaq ajutoorpoq.
Timmisartorsuaq Norsaq teknikkikkut ajutoorneq pissutigalugu Kangerlussuarmut ippassaq utiinnarpoq. Timmisartoq Københavnimut ingerlaaraluarpoq, motorikkullu ajoquteqarnera pissutigalugu tamanna pisoq tusatsiakkat ingerlaapallapput. Tamanna Air Greenlandip eqqunnginnerarpaa:
- Teknikkikkut ajutoorneq pissutaavoq, tamanna teknikerit maanna suliaraat, Air Greenlandip niuernermut akisussaasua, Katja Vahl oqarpoq.
Timmisartorsuaq Sermersuaq tikilaaginnarlugu uteqqippoq.
AAMMA ATUARUK Norsaq Kangerlussuarmut ingerlaartilluni allamut mittariaqalersoq
Taamaalilluni Københavnimukarniartorpassuit Kangerlussuarmi ingerlariaqqinneq ajuleqqapput.
Ullumikkut aamma aallarsinnaanngillat - aqaguli Danmarkiliartoqarnissaanut piareersimasoqarpoq, Air Greenland neriorsuivoq.
- Ilaasussat Københavnimut aqagu sisamanngornermi ingerlaqqinnissaat pillugu portugalimiut suliffeqarfiutaannit HIFLY-mit Airbus 340 aaneqartoq, Katja Vahl paasissutissiivoq.
Ilaasussat tamarmik eqqugaasut angalanissamut pilersaarutit allannguutaat pillugit toqqaannartumik Air Greenlandimit attavigineqassapput. Pilersaarut naapertorlugu timmisartoq paarlaagallartussaq Danmarkimut nalunaaqutaq 11.25 aallassaaq.
Norsamut ilaasussaagaluartut ingerlaneq ajuleqqasut 110-upput.