Team Sava aamma Team Paamiut Asasara ajugaapput

Kujataani timersuutit arlallit atorlugit unammiuaarnersuaq Greenland Adventure Race '08, ullunik tallimanik sivisussusilik naammassivoq.
Allattoq Najaaraq Egede
septembarip 07-at 2008 17:14

Ukiormanna angutini holdini peqataasuni arfineq-pingasuusuni ajugaasuupput Team Sava, Narsameersut. Inuttaralugit Jørgen Lund aamma Frederik Frederiksen. Taakku ulluni tallimani nalunaaquttap akunneri 18 tiimit, 6 minutsit 7 sekundillu atorsimavaat.

Arnani holdit ataasiinnaapput, taakkulu piffissartornerpaajugaluarlutik ajugaasutut aamma taaneqarsinnaapput arnani kisiartaallutik peqataasuugamik. Tassaapput Team Paamiut Asasara, inuttaralugit Amma K. Kleist aamma Rita Ottosen. Taakku atorsimavaat 27 tiimit, 30 minutsit 8 sekundillu.

Angutini normu 2-upput Team M & M, inuttaralugit Martin Gjødvad aamma Martin Reuter. Normu 3-upput Team Sydkysten, inuttaralugit Michael Lee aamma Steen Hinnum.

Greenland Adventure Raceqartoqartillugu qajartortoqartaraluarpoq, imarli qaqortitaartorsuummat ullumi ulloq kingulleq 20 kilometerit sinnerlugit arpattoqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq