TDC-p sullitaasa kalaallit isumannaatsuunissaat akilertarpaat

Kalaallit Nunaanni angallatit Radioinut ingerlatsinernut 32 millioni koruunit Teleqarfissuup TDC-p ukiut tamaasa atortarpai.

Aningaasat taakku atorneqartartut TDC-p sullitaasa akilertariaqartarpaat, tele pillugu misissuisitsisarfik, Netplan, allappoq.

Kalaallit Nunaanni angallatit Radioinut ingerlatsinermut taama aningaasartuuteqartarneq suliffeqarfissuup namminersortup, TDC-p, sullitaanit aningaasartuutigineqartarmat Netplanip eqqumiigaa.

Naggataagummi ima isikkoqalerstarmat, kalaallit isumannaatsumik atugaqarnissaat TDC-p sulllitaasa isumagisaraat, suliffeqarfiit allat taamaanngitsut.

- Assigiinnarpaa Danmarkimi ikaartarfissuaq Storebæltsbroen biililiorfissuup Fordip aningaasaliiffigisariaqartarmagu, biilimmi Forderpassuit ikaartarfikkut tassuunaartarput, tele pillugu misissuisarfimmi, Netplanimi, sulisoq, Torben Rune, oqarpoq.

TDC tassaagaluarpoq suliffeqarfissuaq naalagaaffimmit pigineqartoq, taamaammat pisussaaffissarpassuaqaraluarluni. TDC-li kingusinnerusukkut namminersortunngorsarneqarpoq, pisussaaffiili taamaaginnarlutik.

Inatsisissamik siunnersuut maannakkorpiaq oqaluuserineqarpoq, Netplanili naapertorlugu TDC-p akisussaaffii taamaaginnassagunarput.