TB-mut akiuussutissap nutaap, serpartaatitut atorneqartartup, napparsimasut piitsut ikiorsissavai. Ilisimatusartut Harvardimeersut TB-ertunut akiuussutissaq serpartaatitut ineriartortissimavaat, tamatuma nunani ineriartortuni nappaammut akiuiniarneq pitsaanerulersissinnaagaa, Politikenimi allaaserinnittoqarpoq.
Peqatigisaanik katsorsaariaatsip HIV-ip tuniluunnera pakkersimaartissinnaavaa, tassami serpartaanikkut kapuutit tuniluutsitsisinnaasut pinngitsoorneqarsinnaammata. Serpartaat atorlugu katsorsarneqarneq aamma akikinneralaarsuuvoq.
Nunani hiv-ip/aids-ip atugaaffiini timip illersuutai sakkukinnerusarput – tamaanilu TB-mik tunillanneqarsimasut takussaanerusarput.
Katsorsaariaaseq Microsoftip pilersitsisuanit Bill Gatesimit aningaasaliiffigineqarneratigut ineriartortinneqarsimavoq.