Sakialluummik TB-imik nappaateqalersut 2010-mi aatsaat taama amerlatigaat. Nunatsinni Nakorsaaneqarfimmiit nalunaarummi nutaami tamanna erserpoq.
Nunatsinni illoqarfiit tamangajammik TB-imik nappaateqarfiupput, Tunuli eqqugaanerpaavoq.
Sakialluut 1950-ikkut qiteqqunneranni annertuumik atugaavoq, amerlaqisunillu toqqutaalluni. Siunnerfeqartumik suliniuteqarnikkut TB-mik nappaatillit 1980-ikkut ingerlaneranni ikilisinneqangaatsiarput.
Ukioq 2010 tassaavortaaq ukioq Kalaallit Nunaanni TB-ip tappiorannartuanik nakorsaatinut akiuussinnaassuseqalersimasumik nassaaqqaarfik - tappiorannartoq sakialluummut nakorsaammut nalinginnaasumut akiuussinnaaleraangat nappaat nakorsaruminaallisarpoq. Tamanna inuttut aningaasartuutitigullu akisusinnaavoq.
Sapaatip-akunneri pingasut sinnerlugit quersorsimagaanni, nerisassanik illigisaqanngikkaanni, sanigoraanni unnuakkulluunniit kiaguttaraanni nakorsamut saaffiginninnissaaq peqqinnissaqarfimmit sakkortuumik kaammattuutigineqarpoq. Ilaquttat inuillu ulluinnarni ilagisartakkat nakorsiarnissaat aamma kaammattuutigineqarpoq, sakialluutip tunillaassuuppallaannginnissaa anguniarlugu.