Taxanut ilaasut nakkutigineqarsinnaalerput

Qaammatit marluk qaangiupput, Nuummi taxat biiliminni assiliissutitaarmata, maannamut ajunngitsuinnarmik misilittagaqarfigineqartumik. Aquttut toqqissisimanerulersimapput, nuannaarutigaallu biilinut tillinniat assilineqarsinnaammata, tassami tillinnianik pingasunik naammattuuereersimapput, taakkunannga marluk taxarlutik fjernsynimik tillitaminnik ingerlatsisimallutik.

Taxanik ingerlatsisoq, Søren Schmidt nassuiaavoq, assiliiviit aalisakkatut iseqarmata, biilini ilaasut siammasissumik assilisineqarsinnaasut. Ajornartoornermi kalerrisaarut tuuginnarlugu aamma taxa sumiinnersoq takuneqarsinnaalertarpoq, taamaalilluni ajornartorsiortoqarnerani ikiorasuarneqarsinnaalluni.

Assiliivik ingerlaavartumik assiliisinnaavoq, ajornartoornermi toortagaq aatsaat toorneqarpat.

Ullut sisamat tallimallu missaat qaangiukkaangata 2000-eriarluni assiliigaangami assilisai nammineq peerneqartarput, taamaattorli nipit immiunneqaannavittarput. Assilisat aatsaat takuneqarsinnaapput oqartussaasunik ilaqarluni, taamaanngippat uppernarsaatitut atorneqarsinnaanngimmata.

Nuuk Taxip atortorissaarutinut 3,3 million koruunit atorsimavai, siulersuisunilu siulittaasup Mass Bergstrømip naatsorsuutigaa ingerlatsinermi 1,3 million koruunit ukiumut sipaarutigisinnaallugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat