Sulisitsisulli peqatigiiffiannit aalisarnermut pisortaqarfimmut allakkat naapertorlugit suliniuteqartut tamarmik peqqissaartumik misissuinissamut maanna piareerput.
Allakkat 10. oktoberimi ullulerneqartut Naalakkersuisuni ilaasortaq Finn Karlsen nalunaarummik Inatsisartunut ingerlatitseqqinngitsoorsimasoq pillugu tatiginninnginnermik taasisitsinissamut periarfissiipput. Akerlianilli taanna ullumi oqaluttarfimmiit oqarpoq Naalakkersuisut misissueqqissaarnissamik tutsuiginartumik suliaqarsinnaasimanngitsut, pissutigalugu umiarsuaatileqatigiit pinaasermata.
Finn Karlsenip illuatungiliuttunit tamanit tatiginninnginneq anigorpaa, Siumup Atassutillu amerlanerussuteqarnertik Naalakkersuisunut ilaasortamut tatiginninnerminnut nalunaarutigalugu taasimmata.
Tamannalu immaqa Palle Christiansenip Demokraatineersup siumut takorloorsimavaa. Taassumami erseqqissaatigaa ilumuunnginneq ilumoornermut sangutinneqarsinnaanngitsoq, amerlanerussuteqarneq pissutigiinnarlugu.
Aalisarnermut ataatsimiititaliap sulisitsisut saaffiginnissutaat siullermik oqaluusereqqaartussaavaa.