Tatiginnikkunnaarnermik taasinissaq unitsinneqarpoq

Ullumi nalunaaqutaq marluk missaanni Siumut isumaginninnermut naalakkersuisumut Maliina Abelsen-imut tatiginninnginnermik oqaaseqaateqarput. Nalunaaquttallu akunnerani ataatsimi uninngasoqareersoq sulineq ingerlaqqippoq, susoqanngitsoq.
novembarip 10-at 2010 14:45

Kukkunersiunermik ataatsimiititaliami Siumumiit ilaasortaq Kristian Jeremiassen isumaqarpoq Maliina Abelsen inatsisinik unioqqutitsimasoq - tamannalu malitseqartariaqartoq.

Ilaqutariinnut sullissiviit ingerlanneqarnerannut tapiliussatut aningaasaliissutit Isumaginninnermut Naalakkersuisoqarfimmiit Aningaasaqarnermut ataatsimiititaliamut akuerineqarnissaannut 2009-mi aqutsinikkut kukkusoqarnerani qinnuteqanngitsoorsimavoq. Missingersuutit inatsisaanni allaqqavoq naalakkersuisoqarfiit aningaasanik atuinnginnerminni akuersissummik peqqaassasut.

- Siumut isumaqarpoq, Nalaakkersuisuni ilaasortap Maliina Abelsen-ip naalakkersuisut akisussaasuunerannut inatsisartut inatsisiliaa unioqqutissimagaa, akisussaasuusorlu malitseqartariaqartoq, Kristian Jeremiassen sermitsiaq.ag-mut oqarpoq

Isumaqatigiinninniarnerit nalunaaquttap akunnerani unikkallaqqareerlutik Inatsisartut ataatsimiinnertik nangippaat, Isak Hammondillu tatiginnikkunnaarnermik taasisitsinissaraluamik pinngitsoortitsinissaq taasissutigitimmagu pinngitsoortitsinissamut angertut 15-iupput aqqanillit tatiginnikkunnaaraluartut.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk