Tassaarsuartoqarnerani meeqqat eqqugaaqataasut qinngasaarneqartarput

Angajoqqaat ilaat aviisimut oqaluttuarput meerartik meeraqatimi skuuni kavaajanilu tigusimammatigit kamillaanngaq angerlamut qimaasariaqarsimasoq.

Uummannami Edvard Krusep Atuarfiani pisortaq Buuti Lange oqaluttuarpoq ajornartorsiutit ukkatarineqartut.

- Meeqqat atuartalerneranniit qinngasaarisoqartalersoq malugaarput. Saaffiginnissutigineqartut ilagaat meeqqat tassaarsuartoqarnera pillugu qiasimanerat qinngasaarutaasarsimasoq. Tamanna tamatsinnut assut annernarpoq, tamannalu akuerineqarsinnaanngitsoq, atuarfiup pisortaa Sermitsiamut oqarpoq.

AAMMA ATUARUK Uummannami eqqaaniaasoqarpoq

Kalaallit Nunaata oqaluttuarisaanerani pinngortitami ajunaarnersuit annersaasa ilaat siorna 2017-imi juunip 17-ianni pivoq,  tassaarsuup nunaqarfiit Nuugaatsiaq Illorsuillu Uummannap eqqaaniittut eqqormagit. Nunaqarfinni innuttaasut qimarngussuunneqarput, kingornalu nalunaarfigineqarlutik nunaqarfimminnut uteqqissinnaanngitsut.

2017-i ukiaagaa innuttaasorpassuit illoqarfinni assigiinngitsuni inississorput, taakkunanngalu amerlanerpaat Uummannamut nuussimapput.

AAMMA ATUARUK Nye boliger klar til jul næste år

AAMMA ATUARUK Nuugaatsiap tassaarsuarmit eqqugaanera takuuk