Tassaarsuarnissaa Vanuatumi aarlerisaarutigineqarpoq

Qeqertami Manerassuup kujammut-kippasissuaniittumi Vanuatumi, nuna nalunaaquttap akunnerata ataatsip ingerlanerinnaani, pingasoriarluni sajorujussuarmat, tassaarsuarnissa aarlerisaarutigineqarpoq.
oktobarip 08-at 2009 14:24

Nunap sajunnera siulleq, 7,8-mik sakkortussusilik, qeqertamiit Espiritu Santomiit 294 kilomerisut ungasitsigisoq eqqorpaa, 35 kilometerisut ititigisoq tikillugu, tamaanilu nalunaaqutaq malillugu ullaap-tungaa nalunaaqutaq qulingiluat minutsinik pingasunik qaangilaaraa pivoq.

Nunap pingasoriarluni sajunnera pissutigalugu nunap ilaani tassaarsuarnissaa aarlerisaarutigineqarpoq, tamannalu Papua Ny Guineami feriartarfimmi nuannarineqaqisumi Fijimi, Vanuatumi aamma Ny Caledoniemi uippallissutigineqaqaaq.

Atuarfiit pisiniarfiillu matuneqarput, tamakkunanilu najugallit takornariallu qatsinnerusumut qimarngussorneqarput. Tassaarsuarnissaanilli aarlerisaarut nunap sajunneraniit siullermiit nalunaaquttap akunneri marlussuit qaangiuttullu taamaatiinnarneqarpoq, mallit taamaallaat meterit pingasut qulillu akornanni taamaallaat angissuseqarmata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq