Tasiusami Vandrehjemmi nersornaaserneqarpoq

Nersornaasiineq ima qulequtserneqarsimavoq: "Nukimmik atorluaanissamik suliniutit aamma avatangiisinik pitsanngorsaataasumik nukimmik ataavartumik atuineq" 20.000 koruuninik aningaasartaqartoq.

Nunamut namminermut, Pinngortitamut Avatangiisinullu Naalakkersuisup Anthon Frederiksenip Tasiusami Vandrehjemmip akissarsitinneqarnera ima tunngavilersorpaa:

- Vandrehjemmi nukiup ataavartup iluani assigiinngitsunik suliniuteqarpoq. Ilaatigut  perusuersartarfik saanngutinngortitsisartoq, inunnut qulinut imiisivik seqernup qinngorneranik kiassarneqartoq kiisalu seqernup qinngorneranit innaallagiaqarneq. Vandrehjemmi puilasumit imermik ruujorikkut aqqutilerneqarsimasumit pilersorneqarpoq. Pilersaarutit ilagaat seqernup qinngorneranik kiassarneqartumik imermik uffaatissamik atuilernissaq, vandrehjemmip seqernup qinngorneranik ingerlanneqartumik nillataartitsiveqalernissaq. Suliniutit tamakku tunngavigalugit vandrehjemmip mingutsitsinngitsumik ingerlatsinermigut økovandrehjemminngornissani anguniarpaa. Vandrehjemmi taama suliniuteqarnermigut ikummatissanik sipaartarpoq, taamaalillunilu nunatsinni CO2-mik aniatitsinermik annikillisaaqataalluni.

Namminersorlutik Oqartussat avatangiisinik pinngortitamillu mianerinninnermut akissarsiaat marluinnut avinneqarsimavoq.

Siullermik tunniussineq decembarip 30-ani pivoq, tassanilu KNR-imi sulisutoqaq Niels Henrik Lynge akissarsitinneqarpoq ima qulequtserlugu: "Ilisimatitsinikkut avatangiisinik paasisimasaqarnerulersitsineq".

Ualimut akissarsititsinissaq Ortooqqallu aqqutaani Narsaq Youth Hostelimi nalunaaqutaq pingasunut pissaaq.