Tasiusami Nanortallip pigisaani meeqqat paarinerlunneqarput

Nanortallip Kommunia Pitsaaliuinermik Siunnersortimik atorfinitsitsisimavoq, meeqqat paarinerlutat kommunimi erseqqinnerulersinniarlugit. Taqqavanimi angajoqqaat ilaat aningaasanoorlutik pinnguarnermik, imigassamik ikiaroornartumillu ajornartorsiuteqarput.

- Siullermik imaattarpugut oqitsumik pulajartorluta periuseqartarluta, ilaammi eqqortinnaralugu aniinnartarput, tassami nunaqarfik mikeqigami suna tamarmik ersittuusigami, Elise Isaksen oqarpoq.

Tasiusami Nanortallip pigisaani juumuup Elise Isaksen-ip aamma erseqqissarpaa pitsaaliuinermik sulineq, meeqqat siunissaannut iluaqutaajumaartoq, taamaattumillu angajoqqaat peqataanerulernissaat neriuutigigini.

Meeqqat atuarfiani atuartut 8. klasse –meersut ”Persuttaanertaqanngitsunik oqaloqatigiissinnaanermik” taasamik, kommunimi Pitsaaliuinermi Siunnersortimit Akisooq Isaksen –mit politiineersumillu oqaloqateqartinneqaramik, immersugassamik apeqqutinik akisassanik immersuisinneqarsimapput.

Akisooq Isaksen oqarpoq, tassani aperineqartut, namminneq pitsaaliueqataanissamik periarfissinneqassagaluarunik qanoq iliuuseqarusunnersut.

- Taakku meeqqat 8. klasset lokal radio atorlugu akissarsiffiup nalaani inunnut apersueqattaarusupput. Apersuutiginiarpaat; unnummut sussamaarnersut, imissamaarnersut, imissagunillu meeqqatik qanoq piniarneraat apersuutiginiarpaat, taama oqarpoq ullumikkorpiaq imigassaq pillugu Nanortalimmi isumasiortitsisoq Akisooq Isaksen.

Taassuma erseqqissaatigaa meeqqat inersimasunut saqqummernissartik kiisalu namminneq oqariartuutitik saqqummiunniarlugit taama suliniuteqarsimasut.

Nanortalimmi inersimasut aningaasanoorlutik pinnguarnerisa kingunerisaanik, meeqqaminnik paarinerluisarnerat siusinnerusukkut KNR-TV-kkut aallakaatitami sammineqarpoq. Taamanikkut Nanortallip Kommunia Pitsaaliuinermik Siunnersorteqanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat