Tasiusami Meeqqat Ulluat malunnartinniarneqarpoq

Ullumikkut juni-p ulluisa aallaqqaataat - nunarsuaq tamakkerlugu meeqqat ulloraat – tamannalu illoqarfissuarni taamaallaat malunnartinniarneqanngilaq, aammali nunaqarfinni, soorlu Upernaviup nunaqarfiisa ilaanni, Tasiusami.

Atuarfiup pisortaa, Lea Nielsen Olsvig, oqaluttuarpoq, ullumikkut ulloq qiimmassaqatigiiffiussasoq.

1. klassimiit 9. klassimut atuartut 54-iusut qalipaatigissaartunik atukkersorlutik ullaatungaa nal. quliniit ingerlaaqatigiipput, mannalugooq silagissuaq, seqinnarik, qatsunganeq iluliarasaaq.

Angajoqqaat nunaqqataasullu pisinnaasut tamarmik Illu Sullivimmi ullo’qeqqanut tikilluaqquneqarput, taavalu atuartut minnerit, tassa 1.klassiniit 3. klassimut atuartut erinarsorput, 4. klassimi atuartut namminneq oqariartuutiminnik saqqummiussissapput, aammalu inuussaaqqat atorlugit isiginnaartitsisoqassalluni. Atuartuttaaq anginerit allagartarsualiaat qalipaatigissaaqisut Tasiusami kommunip allaffiata silataani ullaarli nivinngaassorneqareersimasut, Lea Nielsen Olsvig oqaluttuarpoq.

5. klassimi 6. klassimilu – aamma 8. 9. klassimilu atuartut nipilersorlutillu erinarsussapput, 7. klassimi atuartut ukiup ingerlanerani suliarisimasaminnik saqqummiissallutik.

Unnugu nal.arfineq’marlunut meeqqanut tamanut, mikisunnguaniit angisoorsuarnut, qittatsissisoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat