Tasiortamut 1 million koruunit
Maajip 27-anni ataatsimeersuarnermi aalajangerneqarpoq, aningaasat atorneqassasut ilaatigut sinerissami paasisitsiniaanermut.
Tusagassiutitigut nalunaarumminni Tasiorta allappoq:
- Kinguaassiummikkut innarlerneqarsimasut sutigut tamatigut ikiorneqarnissaminnik pisariaqartitsipput. Tasiorta ikiuussinnaasunut ilaaginnarpoq, ikiuulluarsinnaanerpaanulli pingaaruteqarnernut ilaavugut, Tasiortami siulittaasoq Arnaq Grønvold allappoq.
Angalanissami anguniarneqarpoq, atornerlugaasimasut ikiortariallit amerlanerusut anguneqarnisaat.
Tasiorta aamma allappoq:
- Katsorsaasinnaasunik pikkurissartitsiniarpugut, ikiortariaqarnissamik pisariaqartitsisunik ikiuussinnaanngortitsilluta. Anguniarparput kinguaassiuuutimikkut atornerlukkat inuunermik oqinnerusumik atugaqalernissaat, Arnaq Grøvold allappoq.
