Ualimut nalunaqutaq tallimanut semifinalinut anngunniunnerit aallartinneqassapput, taakkualu KNR TV aqqutigalugu isiginnaarneqarsinnaassallutik.
Siulliullutik unammissapput B-67 nuummeersoq aammalu Narsaminngaanneersut N-85.
Taakkua unammereerpata, nalunaaqutaq arfineq-marlunut N-48 Ilulissaninngaanneersoq A.T.A, Tasiilameersoq unammissavaa. A.T.A. unamminerit tamarluinnaasa ajugaaffigisimavai, katillugu 15-eriarlutik ajuupput, tallimariarlutillu isertitsiffigineqarsimallutik.
Tasiilameersut aatsaat taamak angusarissaartigipput, Tasiilami politiiusoq Kristian Singertât politiinut tunngasuunngitsunik oqaluuserisaqassalluni nuannisavippoq.
- Assorsuaq nuannaarnarpoq. Siornatigut misiliisaraluaramik, anngunnerli ajoramik, tulluussimaarnaqaaq, Kristian Singertat taama oqarpoq.
Taassuma aamma ilimagisimanngikkaluarpaa A.T.A.-p taamak angusarissaartiginissaa.
Isikkamik arsartartut angerlarpata Tasiilarmiut nuannatissamaartut, Kristian Singertaat oqarpoq.
A.T.A.-p siulittaasua Poul Sørensen nuannaaqaluni oqarpoq, arsaattartutik ilimagisamit angusaqarsimanerat nuannaarutigeqalugu.
Tallimanut KNR-mit toqqaannartumik arsaattut aallartissapput. Aqagulu ajugaaniutivinnerit marluninngaanniit aallartissapput, siulliullutik bronzennannittut.