Tasiilarmiut 22-it ilitsersuisutut allagartartaalerput

Ammassalimmi kommunimi pisortat sulisullu 22-t ingerlaqqinnissamik ilitsersuisutut naammassisimasutut imminnut taasinnaanngorput, taakkumi ullumi aallagartartaassapput.
Allattoq Lotte Holm
marsip 20-at 2009 07:59

Ingerlaqqinnissamik ilitsersuineq naatsumik oqaatigalugu tassaavoq inuit imminnut oqaloqatigiinnissaannut teknikki immikkuullarissoq. Soorlu inuunermi angorusutaqaraanni taakku angunissaat piginnaaneqarfigilerneqarsinnaavoq.

Siunnersuisarfimmi Co-Active-mi ilinniartitaanermut pisortaq, Lars Zedlitz Alberg, ukiup ataatsip matuma siorna pikkorissartitsereersorlu ingerlaqqinnissamik ilitsersuinissamik isumassarsiaq takkuppoq, Lars Zedlitzimmi taamani paasivaa, peqataasut marluinnik oqaasillit amerlanersaat ingerlaqqinnissamut ilitsersuinissaq pikkoriffigisorujussuugaat.

Moduli siulleq novembarimi ingerlanneqarpoq, modulillu aappaa naggataalu, 22-nit peqataaffigineqartoq, ullumikkut tassa naammassissaaq, peqataasullu 22-t allagartartaartinneqassapput.

- Ingerlalluaqaaq, qularinngilaralu peqataasut ilikkakkatik atorluarumaaraat, siunissami suliffigiligassaminni suliffiullu avataatigut inuunerminni, ingerlaqqinnissamut ilitsersuisutut ilinniartitsisoq, Lars Zedlitz Alberg Radioaviisimut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq