- Sulinitip qaammatini kingullermi marlunni atuunnerani iliuusereriikkanut kinguneqartitsisoqarnissaanik pisariaqartitsisoqannginnera pissutigalugu innuttaasugut pisiniarfinnillu piginnittugut nersualaagassaapput, Hjørdis Viberg oqarpoq.Assi: Bibi Nathansen/KNR

Tasiilaq: Imigassamik matusinissamik siorasaarut Pilersuisup silataani toqqissititsisoq

Pisiniarfiit silataanni juunip aallaqqaataanili aalakkuttoqarnanilu eqqissiviilliortoqanngilaq.

Tasiilami pisiniarfissuup eqqaani qaammatini marlungajannik ernuttoqaranilu aalakkuttunik nipiliortunik tusarsaasoqanngilaq. Taamaani aningaasarsiffiup nalaani aalakkullutik nipiliortut ajornartorsiutaajuartarsimagaluarput, maannali takussaasoqanngilaq.

Innuttaasulli paasinnilluarnerisigut ajornartorsiut qaangerneqarsinnaasimavoq.

Pilersuisup Tasiilami pisiniarfissuat, RF-Electronic, Kommuneqarfik Sermersooq politeeqarfillu suleqatigiillutik silami ernguttarneq eqqissiviilliortoqartarnerillu akiorniarlugu, imigassanik aalakoornartortalinnik tuniniaanermi matusinissamik siunniussaqarnerat innuttaasunut eqiiallatsitsivoq.

- Illoqarfimmi pisiniarfinni inuppassuit ataatsimoornissaannik pinaveersaartitsinissamut atatillugu qanoq iliortoqarsinnaanera pillugu pisiniarfiit namminneq saaffiginnipput.

- Tassa eqqissiviilliortoqarlunilu ernguttoqalissagaluarpat imigassamik nioqquteqarnerup eqqissisimasoqaqqilernissaanut unitsinneqarnissaanik aarlerisaaruteqartarnissarput aalajangiupparput. Pisiniarfiit tamanna namminneq siunnersuutigaat, Kommuneqarfik Sermersuumi Tasiilami susassaqarfimmi pisortaq, Hjørdis Viberg oqarpoq.

AAMMA ATUARUK Meeqqat sumiginnakkat pillugit nalunaarusiaq: Isumaginnittoqarfiup kisimiilluni suliassaq isumagisinnaanngilaa

Pilersuisup Tasiilami pisiniarfissuata silataani aalakkuttunik takussaasoqarunnaarnera, Pilersuisup nunap immikkoortuani tunumi pisortaata, Martha Mikaelsenip nuannaarutigeqaa.

- Innuttaasut assorujussuaq pikkorinaartorujussuuagut taama paasinnillaqqitsigimmata. Uagut aamma tupaallaatigaarput taama sukkatigisumik iluarsiisoqarsinnaammat, Martha Mikaelsen oqarpoq.

Juunip qaammataani ajornartorsiortoqanngitsoq

- Siullermi qaammat maaji innuttaasut ilisimatitsiniarfigeqqaarpagut paasissutissanik tuniorarlugit, juunip aallaqqaataaniit imigassamik pisiniartillutik silami ernguttaannarunik piaartumik imigassat matuneqartarsinnaanerat ilisimatitsissutigaagut. - Kisianni maajimi paasitsitsiniaanermik ingerlatsitsinitsinnik malunniutilereerpoq pisiniarfissuup eqqaani imigassamik imerneq unittoq. Taava juunip aallaqqaataaniit atuutilermalli ulloq manna tikillugu ernguttoqarunnaarpoq, Martha Mikaelsen oqarpoq.

Taassuma imigassanik aalakoornartortalinnik tuniniaanermik matusisinnaanerup atuutsinneqalernissaa maajimili paasititsiniutigilerlugu oqaatigaa.

AAMMA ATUARUK Nunatta Kangiani Meeqqat Isummersorfeqarfiat: Silami ernguttut tassa

Imigassamilli matusisariaqarneq ataasiaannarluniluunniit pisariaqarsimanngilaq.

- Siornatigut pisiniarfissuup eqqaa ulikkaarlugu tunuanut allaat, inissiat eqqaat ilanngullugu multibane ilanngullugu kikkunnit tamanit takuneqarsinnaasumik ernguffiuvoq.

- Sulinitip qaammatini kingullermi marlunni atuunnerani iliuusereriikkanut kinguneqartitsisoqarnissaanik pisariaqartitsisoqannginnera pissutigalugu innuttaasugut pisiniarfinnillu piginnittugut nersualaagassaapput, Hjørdis Viberg oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat