Tasiilap illoqarfiani saliisoqartussanngorpoq

Tasiilap illoqarfiani Najukkami Ataatsimiititaliap aaqqissugaanik sisamanngorpat saliisoqassaaq, Kommuneqarfik Sermersooq nittartakkamini taama allaaserisaqarpoq.
Allattoq Karsten Sommer
septembarip 23-at 2015 08:52
Nutserisoq Simon Uldum -

Saleeqataarusuttunullu pinnattaassaqartitsisoqassaaq.

Peqataarusuttut Tasiilap qiterpasissuani orpiup toqqaviata eqqaanut nalunaaqutaq 16.00 ornigutissapput saliinermilu atortussanik tassani tunniussisoqassaaq.

Saleeqataaniartullu tamarmik normumik tunineqassapput, saliinerlu naammassippat makitsisoqassalluni. Pinnattaassallu tassaapput nipilersuutit Pioneerimeersut, digitalimik assiliissut, kapisilinnut qassutit allallu.

Taamaammat aqagu sisamanngornermi Tasiilamiikkuit nalunaaqutaq 16.00 peqataajartorit - Tasiilaq eqqiluitsuutiguk anersaaralugu!