Tasiilap eqqaani nikkelisiorneq isumalluarfigineqarpoq
Allattoq Mads Lynge
aggustip 03-at 2005 17:20
Canadamiut aatsitassarsioqatigiiffiat Diamond Fields International, DFI, ippassaq nalunaaruteqarpoq Nuna Minerals nunarsuarmilu nikkelimik piiaanermi siuttuusoq Inco isumaqatigiissuteqarfigisimallugit.
Tasiilap eqqaani Nuna Mineralsip aatsitassanik piiaanissaminik isumaqatigiissutaasa ilaat DFI-p pissarsiarisimasaralui Inco-p maanna pissarsiarissagai isumaqatigiissutigineqarsimavoq.
Nunaminertaq piiaavissatut juunip ulluisa aappaanni ukioq manna isumaqatigiissutaareersup eqqannguani maanna nunaminertaq isumaqatigiissutigineqarpoq.
Inco-p isumaqatigiissusiorfigineqarnera DFI-mit nuannaarutigineqarpoq naatsorsuutigineqarporlu Inco-p nikkelimik piiaasarnermi misilittagaqartussutsi iluaqutigilluarumaaraa.
