Tasiilap eqqaani 47-nik ukiulik ajunngitsoq nassaarineqartoq

Tasiilap eqqaani qamuteralluni sapaatip akunnerata naanerani tammaanneqartoq, Mikael Mikaelsen ajunngitsoq nassaarineqarpoq. Politini pigaartut pisortaat Aqqalu Petersen  KNR-imut ilisimatitsivoq.
Assi © : KNR
marsip 27-at 2018 06:44

Politiit qatserisartullu piareersimasuutitat Tasilaap nunaqarfiullu Tiniteqilaap akornanni illuaqqat arlallit ataasinngornermi unnukkut iluatsittumik misissuiffigivaat. 

Ujaasisullu illuaqqat ilaanni 47-nik ukiulik takornariallu allat pingasut unnukkut nalunaaqutaq qulit missaanni oqquisimasut nassaaraat. 

Mikael Mikaelsen arfininngornermi Tasiilamit Tiniteqilaaliaraluarpoq, aqqutaali aqqullussimavoq 
qamuteralaallu ingerlanerliorsimallutik. 

AAMMA ATUARUK Tasiilami qamuteralaat 47-nik ukiulimmik aquttullit tammaaneqartut

Politiit sapaatip akunnerata naanerani 47-nik ukiulik ujaaraat Issittumilu sakkutooqarfiup timmisartuni Challengeri ujaasitikkiartoraluarpaa - silarluppallaarnerali pissutigalugu ujaasineq unitsinneqartariaqarsimavoq.

Politiit ilimatsaassimavaat Mikael Mikaelsen illuaqqamut oqquiartorsimanissaa, ataasinngornermilu unnukkut sila atoruminarsimmat  ujaasisut illuaqqanukarsimapput.

Nalunaaqutarlu qulinut tanneq aqqaneq qaangilaara Mikale Mikaelsen ajunngitsoq nassaarineqartoq, pigaartuni pisortaq Aqqalu Petersen oqarpoq.

AAMMA ATUARUK Tasiilami angajoqqaat meeqqaminnik aalleqquneqartut