Tasiilami unammersuarneq naammassivoq
juulip 26-at 2006 17:22
Tasiilami Arctic Team Challenge-mik taallugu unammersuartorsuit tamarmik imaannaanngitsorsuusut oqaluttuarisinnaavarput.
Unammineq, kilometerit 250-t missaannik isorartutigisukkut ingerlanneqartoq, umiarissat, qajarissat sikkilillu qaqqasiutit atorlugit ingerlanneqarpoq, aammali qaqqakkut sermikkullu iigartartukkut pisuinnartoqarpoq. Arctic Team Challenge ualeq naammassivoq, unammersuarnerlu taanna ingerlanneqartalermalli peqataasunik aatsaavissuaq taamaatiinnartoqanngilaq.
Peqataasut holdit arfineq-pingasut tamarmik naammassinnipput, ajugaappullu tuluit, siorna aamma ajugaasut. Eatsgreenland.com. Nr. 2-ngorput Nuummeersut PharmaNord, taavalu Tunuminngaaneersut, Neriusaaq, tupaallatsitsingaatsiarlutik nr. 3-ngorput.
