Tasiilami toqutsisoq eqqartuussivimmut ippassaq sassartinneqarpoq

Ukiortaami toqutsinermut atatillugu 19-inik ukiulik Tasiilami eqqartuussivimmi ippassaq sassartinneqarpoq.

19-inik ukiulik ukiortaap ullaavani 43-inik ukiulimmik toqutsisimalluni nassuerpoq sapaatip akunnerinilu sisamani tigummigallagassanngortinneqarluni.

Tasiilami politiit pisortaat Kristian Singertaat oqarpoq, toqutsisoq nakorsamit qanittukkut misissorneqartussaassasoq. Toqutsisup eqqarsartaasaata Nuummi imaluunniit Danmarkimi misissuiffigineqarnissaa nalilersorneqassaaq.

Pinerluttut avatangiisiminnut ulorianartutut nalilerneqarsimasut Danmarkimi eqqarsartaasai misissuiffigineqartartut politiit pisortaanit ilisimatitsissutigineqarpoq.

Toqutsineq pillugu nutaamik paasisaqarsimallutik politiit pisortaata oqaluttuaraa. Toqusup timaata misissornerani paasineqarpoq toqutaasoq 13-eriarluniunngitsoq 23-eriarlunili savimmik kaporneqarsimasoq.

Tasiilami politiit nalunaaruteqarput ippassaq ualikkut toqutsiviusumit tillinneqarsimasut nassaarineqarsimasut. Toqutsisoq 43-inik ukiulimmik toqutsereerluni DVD-inik tillissimavoq. Tillitani kuummut igissimavai. Tasiilamilu politiit ippassaq ualikkut qimmit ikiortigalugit ujaasinerminni tillineqarsimasut nassaarisimavaat.

Toqutsisoqarsimatillugu misissuisartut pingasunngormat kingullermik Tasiilamut misissuiartorlutik tikittut Danmarkimut sapaatiummat angerlarlutik aallarput.

Toqusoqarsimatillugu misissuisartut marluk inussallu ipaanik misissuisartoq misissuiartortinneqarsimapput. Taakku toqutsiviusimasoq misissoqqissaarpaat, inuup sananeqaataannik misissugassanik tigusisimapput kiisalu toqutsiviusimasumi inussat ipaanik misissueqqissaarsimallutik.

Misissugassat suli misissorneqartut toqutsisullu inuaasa ipai toqutsiviusimasumi nassaassaanersut suli nalunarallartoq Tasiilami politiit pisortaata oqaluttuaraa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat