Tasiilami tillinniat tigusarineqarput
Angut 30-nik ukiulik tillinniatut pasineqarluni politiinit killisiorneqarnermini ullumi nassuerpoq.
Angutip suliffigisamini tankeqarfimmi aningaasat 15.000 koruunit tillissimagunarai, sulisitsisuata politiinut tallimanngormat nalunaarutigaa.
Tillinniaq alla angut 24-nik ukiulik sapaatiummat siuliani suliffeqarfinnut assigiinngitsunut tillinniarsimasutut nassuerpoq. Angutip suliffigisimasani marluk Hotel Nansen aamma Hotel Angmagssalik tillinniarfigivai, soorlu aamma Elværkstedimut kiisalu Errorsisarfimmut aningaasanik tillinniarsimasoq.
- Hotelini angut sulisarnikuuvoq, ilisimallugulu aningaasat sumut inissinneqartarnersut, Tasiilami politeeq Hans Poul Andersen oqarpoq. Angutip aningaasat katillugit 10.000 koruunit missaanniiittut tillippai.
Tillinniat pingajuat angutaavoq 19-inik ukiulik. Taassumap katersortarfik, suliffeqarfik namminersortoq kiisalu meeqqerivik tillinniarfigai. Angutip nerisassaanerusut tillinniartarpai, aammali cd-nik nipilersuut, cigarettit, sodavandit aningaasallu 3.000 koruunit missaanniittut tillippai.
Tillinniat taakku pingasut eqqartuussivimmi kingusinnerusukkut sassartinneqarumaarput.