Ulloq unnuarlu nalunaarut: Tasiilami politiit pinngitsaaliisoqarsimaneranut atatillugu paasiniaapput.
Arfininngornerup ullaavani nalunaaqutaq arfineq-marlunut Tasiilami arnaq 27-nik ukiulik arfininngornerup unnuaani pinngitsaalisaasimanerarluni politiinut unnerluutiginnippoq.
Arnaq tusarniaavigineqartoq aamma teknikkikkut uppernarsaatinik katersisoqartoq Kalaallit Nunaanni politiit pigaartuisa pisortaat Malik Olesen nalunaarpoq.
- Suliat allat assigalugit taama unnerluuteqartoqartillugu misissugassat qulakkeerneqartarput, Danmarkimullu nassiunneqassapput. Misissugassat sivittajaamik missorneqarsinnaasut suliamik naammassinninniarnermi isumalerujussuusut Malik Olesen oqarpoq.
Arnap pinerluttutut pisuutitani nalunaarutigereeraa angut ippassaq politiinit tigusarineqarpoq. Killisiorneqareerluni unnerluussassanngortinneqarpoq.
Politiit uppernarsaatit sukumiisut utaqqisariaqarmassuk apersuereernermi killisiorneqartoq iperarpaat.
- Pasillerneqartoq unnerluussassanngortinneqartoq pigaartut pisortaat naqissusiivoq. Pinerluttoqarsimaneranik sukumiisumik paasiniaaneq ingerlavoq kingorna eqqartuussineqarumaarnersoq qulakkeerneqassaaq.
Politiit nalunaarutaanni arnaq unnerluussassanngortitsisoq angullu pasineqartoq imminnut nalunngereernersut ilanngunneqanngilaq.
Suliakkiutaasoq ilungersunartoq aamma pingaarutilik eqqaassanngikkaanni aamma imigassartorsimallutik eqqissiviilliortitsinerit ataasiakkaat eqqaassanngikkaanni annerusumik eqqaasassaqanngitsoq pigaartut pisortaat naggasiivoq.
