Tasiilami politiit ilisimannittunik suli ujaasipput
Angut 42-nik ukiulik Tasiilami sapaatip akunnerata siuliani sisamanngornerup ullaavani aqqusinermi ilisimanngitsoq siumorneqarpoq.
Odin Mikiki nillortisimaqisoq ilisimanngitsorlu nassaarineqarpoq, Tasiilamilu napparsimmavimmukaanneqarsimasoq politiinut sisamanngornermi oktobarip quligani nalunaarfigineqarput. Taanna ikiorniarlugu Islandimut napparsimaviliaanneqaraluarpoq angulli tallimanngornermi toquvoq.
Odin Mikikip oktobarip qulingiluaata qulingatalu akoananni sulerisimaneranik takunnissimasut ilisimannittulluunniit politiinit tusarfigineqarusupput.
- Takunnissimasut tusagaqarsimasulluunniit suliamut tunngasunik Tasiilami politiinut oqarasuaat 70 12 24-mut saaffiginneqquneqarput. Paasissutissat tamarmik suliamut attuumassuteqarsinnaapput, Tasiilami politiinit Katrine Sandgreen oqarpoq.
