Tasiilami politiit angallatitaartut

Tasiilami politiit nuannapput.

Kalaallit Nunaatami politiivisa tunumi politiit nutaamik angallatitaartippaat.

Taannalu sukkasuuliaasoq, politiit Facekookimut allapput.

Siullermeersumik Tasiilami Politiit angallatitaarput – aammalu Tasiilarmiut siulliullutik politiit angallataannik sukkasuulianik, siornatigut Kalaallit Nunaata Politiivisa pigisimanngisaannik, pisaarput, politiit allapput.

Kalaallit Nunaata politiivisa angallat "Malik"-mmik atserpaat.

- Siunissami Tasiilami Politiit inunnik ajornartorsiortunik annaassiniarnissamut suli pitsaanerulissapput – imaatigut pinngortitallu ilaani. Aammattaaq politiit nalinginnaasumik suliaminnut suli pitsaanerusumik naammassinnittalissapput, nunaqarfinnut ornigunnernut atatillugu Malik sukkasuumik isumannaatsumillu apuussinnaassammat.

Angallat 29 fodsiusoq 25 knobit ingerlasartoq, Tasiilami ullumi atserneqarpoq.

Malik Anna Kuitsemit atserneqarpoq.

- Anna Tasiilap politeeqarfiani pingaaruteqarlunilu tunniusimalluartuummat toqqarneqarpoq. Tasiilap innuttaasuinut politeeqarfimmilu suleqatiminut sullissilluarnissaminut tunuarsimaartuunngimmat. Tamakkulu tunuliaqutaralugit Malimmut atsiisussatut toqqarneqarpoq, politiit tusagassiuutinut allaput.