Tasiilami politeeqarfiup pisortaa unnerluutigineqarpoq

aggustip 15-at 2006 07:29

Tasiilami politeeqarfiup pisortaa sulinermini sumiginnaasimasutut unnerluutigineqarpoq.

Kristian Singertât isertitsivimmik nakkutilliinermut atatillugu suliassaminik sumiginnaasimasutut ippassaq ataasinngornermiit unnerluutigineqarluni aallartippoq. Eqqartuussiviup suliaa ullumi ilanngullugu suliarineqassasoq, AG ullumi saqqummersoq allappoq.

Politimester Steen Thomsen pisoq uppernarsarlugu oqarpoq, Tasiilami politeeqarfiup pisortaanut atatillugu suliaq ullumi marlunngornermi naammassineqassasoq. Pisullu nalaani politeeqarfiup pisortaa suliaminik ingerlatsiinnarpoq.

- Politeeqarfimmi pisortaq suliassaminik sumiginnaasimasutut eqqartuussivimmit pisuutinneqaruni akiligassinneqassaaq. Suliaq naammassineqareerpat qanoq pisoqaqqinnissaa aatsaat isummerfigiumaarparput, politimester Steen Thomsen oqarpoq.