Tasiilami Piterangaatsiarnissaa ilimasaarutigineqartoq
Tunumi sekundimut 40 meteritut sakkortutigisinnaasumik anoraasuartarnissaa Danmarkimi silasiortut DMI-meersut aarlerisaarutigaat.
DMI-p nittartakkamini taama allappoq.
Tasiilami ullaaq nalunaaqutaq tallimat missaani anorlilerpoq, ullaassarulu nalunaaquttap tallimaniit tallimanngornermi ullaakkut arfine-pingasut tungaannut Piterarnissaa aarlerisaarutigineqarluni.
Avannaq-kippasimmik sekundimut 25 meterit 30-llu akornanni sakkortutigisumik anoreqartarnissaa ilimasaarutigineqarpoq, soorlu aamma marluk arfineq-marlullu akornanni ississangatinneqartoq.
Piterarnissaa peqqutigalugu kommune aalajangertoq, atuarfik, meeqqeriviit, sunngiffinni ornittakkat kommunillu allaffii matoqqassasut kommunip Facebookikkut quppernerani allassimavoq.
Tasiilami innuttaasut taassuma saniatigut piumaffigineqarput pigisat tingissinnaasut aalajangersussagaatt, tassani sanaartornermut atortut, umiatsiat assigisaallu pineqarlutik kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaq kaammattuutigineqartoq.
