Tasiilami Piorsaaveqalissaaq
Tasiilami inuusuttut sannavissaat Piorsaavik juunimi ammarneqassaaq.
Allattoq Jaaku Lyberth
Sannavik inuusuttut inuunerminni ingerlariaqqinnissaannut atorneqartussaavoq, inuusuttunullu 20-nut inissaqartitsissalluni.
Piorsaavimmiinnissamut maannakkut qinnuteqartoqarsinnaanngilaq, aqutsisussamik suli atorfinitsitsisoqanngimmat.
- Piorsaavimmiilernissamut qinnuteqartoqarsinnaalerpat, Tasiilami innuttaasut ilisimatinneqassapput, Kommuneqarfik Sermersuumi suliffissaqartitsinikkut immikkoortortaqarfimmi pisortaq Edward Mørch sermitsiaq.ag-mut oqarpoq.
Inuusuttut Piorsaavimmiinnerminni ilinniagaqarnersiuteqartinneqassapput. Piorsaavimmi assassorluni suliaqartoqartassaaq aamma qarasaasianik atuisoqartassalluni.