Tasiilami peqatigiiffik nutaaq kajumissaaserneqartoq
Tasiilami peqatigiiffik nutaaq ´Tasiilaq Nuan´ pilersinneqartoq aallartilluarpoq. ICC-millu 5.000 koruuninik kajumissaaserneqarluni.
Peqatigiiffik nutaaq pillugu oktobarip 31-anni innuttaasunut ataatsimiitsitsisoqarnerani kajumissaat Tasiilaq nuanimi aqutsisoq Gerth Ignatiussenimut tunniunneqarpoq.
- Tasiilaq Nuan´-nimik pilersitsigassi takkutipparsi nammineq iliuuseqarnissigut pitsaasoq anguniarlugu ataatsimoornermik suleqatigiinnermillu aallartitserusunnersi, ICC-p siulittaasuat Hjalmar Dahl kajumissaammik tunniussinermini ilaatigut taama oqaaseqarpoq.
AAMMA ATUARUK Peqatigiiffiup nutaap Tasiilaq nuannersumik nittarsaanniaraa
Gert Ignatiussenip kajumissaammik tunineqarnertik nuannaarutigeqalugu oqaatigigamiuk, Tasiilap avataaniit isigineqarnerata pitsaasumut mumisinnissaa siunertaasoq oqaatigaa.
- Tusagassat ajortuinnaat nuanninngitsullu tusartualeratsigik tamatta imminut pisuutittutut misigileraluarnerput mumikkusullugu aalajangeratta, innuttaasut peqatigiilluta Tasiilap nuannersuunera avatitsinnut takutikkusullugu suliniarnerput aallartipparput, Gert Ignatiussen qujassuteqarnermini ilaatigut oqarpoq.
AAMMA ATUARUK Tasiilarmiut naammatsittut: Ajortumik eqqartorunnaarniartigut!
Kalaallit Nunaanni ICC Tasiilamiinnermini peqatigiiffiup suliassai ilusilersorneqarneralu innuttaasunut saqqummiuppai. Peqatigiiffiullu Tasiilaq Nuannip susassaqartitsinissaanut kajumissaaseriartorlugu.