Tasiilami nunap sisoornera 15 meterinik silissuseqartoq
Tasiilami nunap ataasinngornermi unnukkut sisoorneranut atatillugu inuit 13-it qimagussortinneqarput.
Politiit nunap sisoorneratigut inissiaq Sara Helmsip Aqqulaaniittoq eqqorneqarsimasoq pillugu nalunaaqutaq 18.37 nalunaarfigineqarput.
Nunap sisoornerani ajoqusertoqanngilaq inissiamullu aseruisoqarsimarpasigani. Nunalli sisooqqeratarsinnaanera nalilerneqarpoq.
Taamaammat qatserisartut politiit kommunilu suleqatigalugit inissiami ineqartut tamarmik qimagussortinneqarnissaat aalajangerpaat.
AAMMA ATUARUK Tasiilami nuna sisoortoq: Inissiami najugallit qimagussortinneqartut
Qimagussortinneqartut ilaquttaminnut qimarnguimmullu ilaatigut inissinneqarput. Kalaallit Nunaanni Politiit pigaartuisa pisortaat, Malik Sandgreen oqarpoq.
- Nunap sajunnera 15 meterinik silissuseqarpoq. Nunap sisooqqeratarsinnaaneranut aarlerinartoqarnersoq maanna nalilersuiffigineqarpoq, taanna oqarpoq.
Igalaanut meterit arlaliusut
Nuna sisooqqissagaluaruni inissiamut matut nunamit asserneqassapput.
- Qatserisartut taakani naliliisimapput nuna suli sisooqqissinnaasoq. Taavalu sisoorfissaa ineqarfimmut isertarfiit tassunga toqqaannartumik sammillutik. Taamaammat nunamik sisoortoqaqqissagaluarpat ineqartut illuminngaanniit qimaatinnissaanut piffissaq sivisooq atorneqartussaagami. Taavalu uku igalaat meterit uku arlallit kiserngorullutik qimaaffiusinnaassallutik, Malik Sandgreen oqarpoq.
- Taava aamma nalilerneqarpoq nuna sisooqqissagaluarpat sikringinik elinstallationinik ikuallattuulersinnaassasoq. Taamaammat aamma aqquserngup quasannerata illumiit qimagutsitsinissaq ajornakusoortilersinnaallugu.
