GEUS-ip oqarnera naapertorlugu nunatsinni nunap sajuttarnera Tasiilami malugineqarnerusarpoq.Assi: Sigmun av Teigum, Malene Hansen Gray og Hjørdis Viberg

Tasiilami nuna malunnartumik sajuttoq

Tasiilami innuttaasut marlunngornermi ullaakkut nuna sajuttoq malugaat. Tasiilami nunap sajussimanera GEUS-ip uppernarsarpaa.

Tasiilami innuttaasut marlunngornermi ullaakkut sakkortulaartumik itersarneqarput. Tassa innuttaasut ilaasa nunap sajunnera ullaaralaakkut malugisinnaasimavaat.

Danmarkimi Kalaallit Nunaannilu ujarassiuut misissuiviata – GEUS-ip innuttaasunit nalunaaruteqarfiusimasup nunap sajunnera uppernarsarpaa.

Richterskalap-uuttuutaa

Richterskalap-uuttuutaa nunap sajunneranik uuttuisartutut tusaamasamut, Charles F. Richterimut Californiameersumut atsiussaavoq.
Uuttuut taanna nunap sajunnerata sakkortussusaanik naliliiniarnermi atorneqartarpoq.

Uuttuut matematikkimi kisitsisaaseq logaritmeuvoq. Tassa imaappoq, nunap sajunnera Richterskalap-uuttuutaani 6-tut uuttorneqartoq nunap sajunneranit Richterskalap-uuttuutaani 5-tut uuttorneqartumit quleriaammik sakkortunerusarpoq.

Nuna Manerassuup eqqaaniittoq sakkortunerpaamik sajunnikuumavoq, nunap taassuma sajunnera nunap sajunneranik uuttuut Richterskala naapertorlugu 9-ngajammik sakkortussuseqarsimammat.
 

Tusarfik: GEUS

Nunap sajunnera februaarip 25-anni ullaakkut nalunaaqutaq 05:15 uuttorneqartoq GEUS nittartakkamini allappoq.

- Nunap sajunnera GEUS-ip uuttortaavianit tassa napparsimavimmi naqqup-iluaniittumit kilometerialunnguanik ungasitsigisumiippoq, nunallu sajunnera Richterskalap-uuttuutaani 3,2-tut uuttorneqarmat tamanna malugineqarsinnaalluarsimassaaq, GEUS-imi ilisimatuuneq, Trine Dahl-Jensen oqarpoq.

Nunap sajunneri Tasiilami malugineqarnerusartut

Nunap sajunneranit minutsit pingasut qaangiuttut nunap sajoqqinnera malugineqarsinnaavoq. Tamannali nunap sajunneranit hunnorujulikkaat qasseeriaataannik sakkukinneruvoq, taamaammat malugineqarsinnaanngilaq, GEUS paasissutissiivoq.

- Kalaallit Nunaanni Tasiilami innuttaasut nunap sajunneranik nalaataqarnerusarput. Taakkuli qujanartumik sakkukitsuupput aserorterisuunatillu. Tasiilap eqqaani ukiortaamit arfinileriarluni sajussimasoq uuttornikuuarput, nunallu marlunngormat sajunnera sakkortunerpaalluni, Trine Dahl-Jensen oqarpoq.

Nunap sajunneranik malugisaqarsimasut tamarmik misigisaminnik nalunaarutiginninnissaat GEUS-ip kaammattuutigaa. Nalunaarutiginninnerit kalaallisut danskisulluunniit allanneqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat