Taamaalinerani angutit marluk sikumi aalisarput, nanorlu angutit marluk tungaanut ingerlalerluni.
Angutit sikumi aalisartut aallaasinik nassarsimanngillat, taamaattorli oqarasuaatinik angallattakkanik nassarput erngerlutillu politiinut sianerput ikioqqullutik.
Politiit erngerlutik qamuteralannik angallatilerlutik aallaaserlutik sikumukarput nanorlu qimaatillugu.
Nanoq angisuupilussuuvoq pualallunilu, Tasiilami pollitiit pisortaat Krisitian Singertat radioaviisimut oqaluttuarpoq. Nannumik aatsaat taamak oqilatigusumik takuvunga, qimaatillunilu sikukkut arlaleriarluni nakkarpoq ingerlaqqittarlunilu, takusaq alutornarpoq Kristian Singertat oqarpoq.