Tasiilami meeqqat tapiiffiginiarpaat

Kangilinnguani sakkutooqarfimmiut 50.000 koruuninik katersisimapput.

Naak juulli ippassaq qaangiukkaluartoq, juullimut tunngasumik nutaarsiassannguaateqarpugut.

Taannalu Kangilinnguani sakkutooqarfimmeersuuvoq. Kangilinnguani ukiut tamaasa kissaatigisartitsisoqartarpoq, tamannalu ukiormanna decembarip 27-anni ingerlanneqarpoq, aningaasallu isertinneqartut iluaqutissanngorlugit tapiissutigineqartarput. Ukiormanna aatsaat taamak amerlatigisunik aningaasanik katersisoqarpoq, tassa 50.000 koruunit katersorneqarmata.

Ukiormanna aningaasat katersorneqartut Tasiilami meeqqat angerlarsimaffiannut Prinsesse Margrethemut aamma meeqqat ornittagaanut Amarngivanut tapiissutigineqassasut isumaqatigiissutigineqarpoq.

Ukiut siuliini ileqquuvoq, aningaasat katersorneqartut Ivittuut Kommuniannit, maanna atorunnaartumit, marloriaatinngortinneqartarlutik.

Kissaatigisanik aaqqissuussisartut ileqqup tamassuma kusanartup ingerlateqqinneqarnissaa Kommuneqarfik Sermersuumut qinnutigineqassanersoq maanna eqqarsaatersuutigaat. Tassami tamanna anguneqassagaluarpat, Tasiilami tapiiffigineqartussat 100.000 koruuninik tapiiffigineqassagaluarmata.

Kangilinnguani Sakkutooqarfik nittartakkamini taama allaaserinnippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat