Tasiilami meeqqat inuusuttullu inuuniarnermikkut atugaat suliniutip pitsanngorsaavigeqataaffigissagaa, NAKUUSAmi UNICEF-imilu suleqataasut oqaatigaat.

Tasiilami meeqqat ersarissumik isummersorsinnaalissasut

Tasiilami meeqqat inuusuttullu immikkut isummerfeqalissapput. NAKUUSA, UNICEF-imik suleqateqartup, KNR-imut oqaatigaa. Tunumimi meeqqat isummersorfeqalernissaat pisariaqarluinnalersimavoq.

NAKUUSA Tasiilami Meeqqat Isummersorfiannik atuarfinnilu isummersoqatigiiffinnik, tassa Nakuusaaqqanik, pilersitsiartorluni Tasiilaliassaaq.

Taava aamma Tasiilami Tasiilallu nunaqarfiini ilinniartitsisut meeqqanillu sullissisut allat meeqqat pisinnaatitaaffii pillugit pikkorissarneqassapput. Tunumi Nakuusaaraqaraluarlutik isummersuutaat ersarinnerusut pisariaqartippavut, NAKUUSAmi suliamik aqutsisoq oqarpoq:

- Tunumeersut isummersuutaannik tusarnissarput kissaatigiuarnikuuarput, NAKUUSAmi suliamik aqutsisoq, Najaaraq Møller, oqarpoq.

Aningaasat tunissutigineqartut

NAKUUSA ilaatigut UNICEF Danmarkip suleqatigiissitaliaraa.

Gentoftep, tassa Tasiilap illoqarfittut ikinngutaata UNICEF-illu 2018-imi illoqarfigisaata, Tasiilamut tunissutigineqartussanik 2018-imi katersuiniutsitsivoq. Aningaasallu katersorneqartut 250.000-it NAKUUSAp Tasiilami suliniutaanut maanna atorneqassallutik.

AAMMA ATUARUK Meeqqat isummaminnik annissisinnaasariaqarput

- Piffissami kingullermi takusinnaagatsigu inersimasuusugut, politikerit allallu Tasiilaq oqallisigingaatsiaripput. Meeqqalli nipaat toqqaannartumik suli tusanngilagut. Taamaammat pilersaarutaareeraluartoq NAKUUSA Tasiilami immikkut suliniuteqassasoq, UNICEF-imit aalajangerpugut aningaasat taakku atorlugit suliniarneq annertusassagipput, UNICEF-imi suliniutinut pisortaq Sara Olsvig oqarpoq. 

Pisinnaatitaaffitsik ilisimanerussagaat

NAKUUSA aggustip 24-aniit 31-ata tungaanut Tasiilamiinnerani meeqqat pisinnaatitaaffii aamma erseqqissaatigineqassaaq. Tassami ineriartornissartik, nakuuserfigineqarnermut kannguttaatsuliorfigineqarnermullu illersugaanissartik ilaatigut pisinnaatitaaffigaat.

- Oqariartuutit assigiinngitsorpassuusinnaapput. NAKUUSAlu aqqutigalugu sinerissamut, politikerinut inuiaqatigiinnullu apuunneqarsinnaapput, Najaaraq Møller oqarpoq.

Meeqqat ilaasortanngorsinnaasut

Tasiilami meeqqat inuusuttullu inuuniarnermikkut atugaat suliniutip pitsanngorsaavigeqataaffigissagaa, taakku isumaqarput.

- Tunumi susoqarneranik, qanoq inooriaaseqarnerannik qanorlu oqariartuuteqarusunnerannik ulluinnarni tusarneq ajorpugut. Kisianni aamma meeqqat pisinnaatitaaffitsik ulluinnarni atuleraangamikkit inuunerissaarnerunissamut qaninnerulertarput, NAKUUSAmi suliamik aqutsisoq, Najaaraq Møller, oqarpoq.

Meeqqat inuusuttullu 13-iniit 18-inut ukiullit Meeqqat Isummersorfiannut ilaasortanngorniarlutik aggustip 27-ata tungaanut qinnuteqarsinnaapput

Nakuusa Tasiilami

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat