Tasiilami juullerpalaarnialerput
![](/sites/default/files/styles/image_934x467/public/article_images/nissearbejde_2.png?itok=jtKZlp_s)
![](/sites/default/files/styles/image_934x467/public/article_images/nissearbejde_5.png?itok=QPoc4iIF)
Innuttaasut kikkulluunniit ualeru nalunaaqutaq sisamaniit unnugu nalunaaqutaq arfineq-pingasut qeqqata tungaanut Alivarpimmi juullerpalaartitsinissamut tikilluaqqusaapput, ileqquusorlu malillugu qummoroortartortoqassaaq unnugu arfineq-marluk qaangerlugit tanneq sisamanut, 19.20. Tusagassiuutinut nalunaarummi tamanna erserpoq.
Ilinniartitsisut atuartullu sulliviit 20-t sapaatip-akunnerata ingerlanerani ingerlassimavaat, soorlu: pinnersaasiorfik, sukkuaraliorfik, klassi aliortugalik, aalisarfik, nerisassanik pisiniarfik nuannarineqartaqisoq, allarpassuillu.
Sulliviit ilaasa suliaanik pisisoqarsinnaavoq, soorlu aamma nerisassanik pisiniartoqarsinnaasoq.
Ilaqutariit, ikinngutit inuillu nuannaartut Alivarpimmut unnugu tikilluaqquneqarput. Kaammattuut tasiilarmiunut taamaalilluta ingerlateqqipparput, nuannisarnissaannillu kissaallugit.