Tasiilami internetsikkut aviiseqalerpoq
- Internetikkut aviisip pilersinneranut siunertaavoq Tasiilami piffissami qaninnerpaami susoqarnissaanik, aamma susoqarsimaneranik oqaluttuartumik saqqummiiviusassasoq, internetikkut aviisimik pilersitsisoq Gerda Vilholm Kommuneqarfik Sermersuup nittartagaanut taama oqarpoq.
Illoqarfiup aviisitoqaa Sukagsaut, nittartakkakkut aviisip ateriligaa, ukiuni kingullerni qulini saqqummersimanngilaq.
Taamanikkut periarfissaasimanngitsoq interneti maanna atugaavoq, Gerda Vilholmillu naqitamik aviisiliornermit internetikkut aviisiliorneq ajornannginnerullunilu akikinnerusoq oqaatigaa.
Gerda Vilholmip ilanngullugu takorloorpaa, internetikkut aviisi ineriartortinneqarsinnaasoq, soorlu Tasiilap oqaluttuassartaa nittartakkakkut atuarneqarsinnaalerluni.
Sukagsaut allattaasitoqaq atorlugu allallugu atsiunneqarpoq, isumaqarlunilu "nukittorsaat".
