Tasiilami detentioni ajorluinnarpoq

Tasiilami detentionimi atugassaasut pillugit Folketingimi ombudsmand-i, maanna apeqquteqarpoq.

Tasiilami tigummigallagaasut, Sermitsiami allaaserineqartut aallaavigalugit ombudsmandi apeqqusiivoq. Ukioq kingulleq septembarip qaammataani allaaserineqarput, taamanilu ombudsmandip Hans Gammeltoft Hansen-ip kriminalforsorgimit paasissutissanik perusissimavoq. Ombudsmandi allappoq, 2006-imi Tasiilami detentioni qaammatini siullerni 11-ni inoqarpallaarsimasoq

Detentioni inunnik pingasunik mattussaqarsinnaasutut naatsorsuussaavoq, ullulli aqqaneq marluinnaat minillugit, mattussigallarfiusartumi 6 kvadrat miiteriinnartut angissusilimmi inuit sisamaniit arfine-pingasunut amerlassusillit mattunneqaqqasarsimapput. Mattussaagallartut tassaasarlutik tigummigallagaasut aammalu imigassartorpallaarsimasut.

Suliaq piaartumik suliarineqartariaqartoq, Hans Gammeltoft Hansen isumaqarpoq, taamaammallu kriminalforsorgi piaarnerpaamik nassuiaaqquneqarpoq, aammalu inatsisinik atuutsitsinermut ministeri pissutsit pillugit ilisimatinneqartoq, ombudsmandi oqarpoq.

Nunatsinni politeqarneq kriminalforsorgeqarnerlu danskit naalagaaffiata akisussaaffigai.