Tasiilami arnaq biilinit aporneqarnermini ajunaartoq
Kalaallit Nunaanni politiit sapaammi ullaassakut oktoberip ulluisa arfernganni nalunaarfigineqarput, arnaq Tasiilami aqqusinermi Tsittamut aporneqarsimasoq.
Tasiilap politiivini politikommisæriugallartoq Katrine Sandgreen taama paasissutissiivoq.
Politiit aportiffiusumut apuummaata arnaq aporneqartoq uumasimanngilaq, toqusimasorlu nakorsamit kingorna uppernarsarneqarpoq.
Katrine Sandgreen aportittoqarsimaneranik annerusumik oqaluttuarsinnaanngilaq paasiniaalluni misissuineq suli ingerlammat.
Taassumali oqaluttuaraa arnamik aporsilluni biilinik aquttoq mianersuaalliorluni toqutsisimasutut pasineqartoq.
Arnap ajunaartup qanigisai kalerrinneqareerput.